20 снежня адбылася прэзентацыя 14-га выдання, выпушчанага ў рамках выдавецкага асветніцкага праекта «Спадчына права».
У яго ўвайшлі працы выдатнага беларускага вучонага-прававеда Міхаіла Асіповіча Грэдынгера (1867-1936), доктара юрыдычных навук, прафесара, члена Акадэміі навук БССР.
У мерапрыемстве прыняла ўдзел дырэктар Інстытута прафесар Аксана Здрок.
Асветніцкі выдавецкі некамерцыйны праект «Спадчына права» існуе з 2011 года. Яго асноўная мэта – захаванне і папулярызацыя навуковых прац айчынных і замежных класікаў права ў розных галінах прававой навукі. Выданні серыі бязвыплатна распаўсюджваюцца сярод вучоных-прававедаў, заканатворчых, праваахоўных органаў, судоў, устаноў адукацыі, дзяржаўных органаў, бібліятэк. У электронным выглядзе выданні размешчаны на сайце Інстытута ў раздзеле «Спадчына права».
ФОТА – Нацыянальны прававы Інтэрнэт-партал Рэспублікі Беларусь
