23-25 красавіка 2024 года загадчык бібліятэкі, старшыня прафсаюзнага бюро Інстытута Наталля Саўчанка прайшла навучанне ў рэспубліканскай "Школе лідэрства", арганізаванай Фундаментальнай бібліятэкай БДУ. У мерапрыемстве прынялі ўдзел дырэктары, намеснікі дырэктараў і кіраўнікі структурных падраздзяленняў бібліятэк.
Першы дзень стартаваў з семінара "Найлепшыя бібліятэчныя практыкі", які быў арганізаваны на базе Нацыянальнай бібліятэкай Беларусі. У ім прыняла ўдзел дэлегацыя з Расійскай дзяржаўнай бібліятэкі для моладзі на чале з дырэктарам Ірынай Міхновай. Запрошаныя спікеры падзяліліся сваімі найлепшымі практыкамі і ідэямі праектнай дзейнасці. У ходзе жывой дыскусіі беларускія і расійскія калегі абмяняліся карысным вопытам.
Другі і трэці дзень Школы былі прысвечаны тэме "Кіраванне персаналам". У якасці мадэратара была запрошана Ала Радкевіч, коуч, выкладчык УА «Акадэмія сувязі», УА «Кадры індустрыі», РІВШа, кар'ерны кансультант, карпаратыўны псіхолаг. Трэнінгі прайшлі ў рэжыме актыўнага ўцягвання ўдзельнікаў у абмеркаванне пытанняў эвалюцыі развіцця працоўнага калектыва, ролі кіраўніка ў арганізацыі, псіхалагічных практык матывацыі персанала, метадаў камандаўтварэння і тайм-мэнэджменту.
